19.03.2017Bazar

2017-ci ilin fevral ayında görülmüş işlər

      Çoxsaylı sakinlər Yasamal Bələdiyyəsinə yazılı şəkildə müraciət edərək Yasamal rayonu Ş.Mehdiyev  küçəsi 142 və M.C.Məmmədzadə küçəsi ev 77 ünvanlarında yerləşən yaşayış binaları ətrafında asfalt abadlıq işlərinin aparılması xahiş etmişlər. .Bu ünvanlarda yaşayan sakinlərin həm xahişlərini ,həm də əksəriyyətinin əmlak,torpaq vergilərini vaxtı vaxtında ödədiklərini nəzərə alaraq Yasamal Bələdiyyəsi 23 fevral 2017-ci il tarixli 02 saylı iclasın 04 saylı qərarı ilə maliyyə vəsaiti ayırmışdır.Ayrılmış vəsaitə uygun olaraq asfalt-abadlıq işləri yüksək keyfiyyətlə həyata keçitilmişdir.

19.03.2017Bazar

2017-ci ilin yanvar ayında görülmüş işlər

     Yasamal Bələdiyyəsinin 21.01.2017-ci il tarixli 01 saylı iclasının 4 saylı qərarı ilə Ə.Cəmil küçəsi 70a binanin  sakinlərinin xahişini nəzərə alaraq binanın həyətində asfalt abadlıq işləri aparılmışdır.

18.03.2017Şənbə

19 yanvar 2017-ci il tarixində ”20 Yanvar” şəhid ailələri ilə görüş keçirilmişdir

   ”20 Yanvar” faciəsinin 27-ci ildönümü ilə əlaqədar olaraq 18 saylı orta məktəbdə rayon İcra Hakimiyyəti ilə birlikdə tədbir keçirilmişdir.Tədbirdə iştirak edən 35 nəfər şəhid ailəsinə  Yasamal Bələdiyyəsi tərəfindən alınmış ərzaq yardımları paylanmışdır. 35 nəfər şəhid ailəsinə  alınmış ərzaq yardımlarına xərclənmiş vəsait Yasamal Bələdiyyəsinin 21 yanvar  2017-ci il tarixli 01  saylı iclasının 07 saylı qərərı ilə təsdiq edilmişdir.

 

03.11.2016Cümə axşamı

"Azərbaycanda Yerli Demokratiya həftəsi" keçirilir

     2016- cı ilin oktyabrın 31- dən noybrın 5-dək "Azərbaycanda Yerli Demokratiya həftəsi" çərçivəsində Yasamal Bələdiyyəsində silsiləli tədbirlər həyata keçirilir. Belə ki, seçicilərin yerl əhəmiyyətli məsələlərlə bağlı problemlərinin həll edilməsi, vətəndaş- bələdiyyə, bələdiyyə- vətəndaş əlaqələrinin möhkəmləndirilməsi, vətəndaşların bələdiyyənin fəaliyyətində iştirakının təmin edilməsi, onların müraciətlərinə baxılması, cari ildə görülmüş işlər, o cümlədən "Bir bələdiyyə- azı bir layihə" təşəbbüsü çərçivəsində həyata keçirilmiş layihələr barədə hesabatların verilməsi, 2016- cı ilin bələdiyyə büdcəsinin və həyata keçirilməsi nəzərdə tutulmuş layihələrin müzakirəsi üçün vətəndaşlarla açıq və qapalı yerlərdə görüşlərin keçirilməsi davam etdirilir. Bunun üçün bələdiyyədə vətəndaşların qəbulu məqsədilə "açıq qapı" günləri elan edilmiş, vətəndaşlarla operativ əlaqənin təmin edilməsi üçün "qaynar xətt" yaradılmışdır. Tel: 432 52 31

08.08.2016Bazar ertəsi

“Mülk” Assosiasiyası Yasamal bələdiyyəsində treninq keçirib

Yasamal RİH-n dəstəyi, Yasamal Bələdiyyəsinin təşkilatçılğı və sakinlərin iştirakı ilə keçirilən tədbirdə “Mülk” Assosiasiyasının prezidenti Dilarə Vəliyeva layihə haqqında geniş məlumat verib. O bildirib ki, əmlak vergisinin yığımıyla bağlı Azərbaycan qanunvericiliyində, o cümlədən Vergilər Məcəlləsində, Mülki Məcəllədə və digər hüquqi aktlarda öz əksini tapıb.

Yasamal bələdiyyəsinin sədri Zakir Cəfərov bu tədbirin həm özünüidarəetmə orqanlarının əməkdaşlarının və sakinlərinin maarifləndirilməsi baxımından mühüm əhəmiyyət kəsb etdiyini deyib.

Təlimçi-hüquqşünas Tərlan İsmayılov vergilərin ümumi məzmunu və qanunvericilikdə təsbiti və tətbiqi barədə danışıb və bildirib ki, əmlak vergisi bu baxımdan mühüm əhəmiyyət kəsb edir: “Əmlak vergisinin toplanması üçün ilk növbədə vətəndaş tərəfindən mülkiyyətə dair sənədlər toplanmalı və bələdiyyədən qeydiyyatdan keçirilməlidir. Bir sıra hallarda vətəndaşlara bu məqamı dedikdə, əmlak vergisi ilə niyə ödəmələri ilə bağlı suallar verir. Aparılan maarifləndirmə işlərinin nəticəsi olaraq, vətəndaş bilməlidir ki, onun ödədiyi vergi hesabına yaşadığı ərazidə abadlaşdırma və digər işlər həyata keçirilir.

Əmlak vergisinin hesablanması və toplanması ilə bağlı əvvəllər problemlər olub. Lakin Prezident İlham Əliyevin müvafiq sərəncamı ilə bu məsələ birdəfəlik aradan qalxıb.

Beləki, mülkiyyət sahələrinin kvadrat/metrlə hesablanması və zonalar üzrə konkret rəqəmlərin açıqlanması istər bələdiyyələrin, istərsə də vətəndaşların işini yüngülləşdirdi”.

T.İsmayılov əmlak vergisinin blədiyyələr hesablanması və toplanması ilə bağlı qaydalara toxunub: “İlk olaraq, onu qeyd edim ki, avqustun birinədək tədiyyə bildirişləri vətəndaşlara paylanılmalıdır. Əgər vətəndaş əmlak vergisini ödəmirsə, noyabırın 15-dən sonra son xəbərdarlıq edilir. Daha sonra ödənilməyən əmlak vergisi ilə bağlı vətəndaşın iştirakı ilə aktlaşdırma aparılır. Vətəndaşın aktı təsdiqləməsi və imtina etməsindən asılı olamayaraq, bələdiyyədə iclas keçirilir və məhkəməyə müraciət olunması bağlı qərar qəbul edilir”. 

Tədbirdə qeyd edilib ki, Yasamal bələdiyyəsi ərazisində 88 məhəllə komitələri var və mütəmadi olaraq komitələrin dəstəyi ilə vətəndaşlar arasında əmlak vergisinə dair maarifləndirmə işləri həyata keçirilir. Sonda tədbir iştirakçılarının sualların cavablandırılıb və onlara məlumatlandırıcı materiallar paylanılıb.

17.05.2016Çərşənbə axşamı

Yasamal Bələdiyyəsinin apardığı abadlıq işləri

      2016- cı ilin fevral-mart aylarında məhəllədaxili asfalt örtüyünün çəkilməsi və abadlıq işlərinin görülməsi ilə bağlı Mirzə İbrahimov küçəsi 53, Məmmədhüseyn Şəhriyar küçəsi 5, Fuad İbrahimbəyov küçəsi 35/45, Naxçivani küçəsi 15 ünvanlarda yaşayan sakinlər tərəfindən daxil olmuş və müraciətlərə baxıldıqdan sonra Yasamal Bələdiyyəsi tərəfindən abadlıq işləri həyata keçirilmişdir. 

11.05.2016Çərşənbə

Yasamal rayonunda keçirilən ağacəkmə aksiyası

    Ulu öndər Heydər Əliyevin anadan olmasının 93-cü ildönümü ilə əlaqədar Yasamal rayonunda rayon İcra Hakimiyyətinin rəhbərliyi ilə rayonun idarə, müəssisə və təşkilatlarının iştirakı ilə rayonun bir neçə yerində, o cümlədən Bakı Dairəvi yolun kənarlarında ağac əkilməsi və yaşıllaşdırma tədbiri – ümumrayon iməciliyi keçirilmişdir.

Ümumilikdə 3500 nəfərin iştirak etdiyi iməcilikdə 1400 dekorativ ağac və bəzək kolu əkilmişdir. Ağacların bir qismi nadir ağac növləri olmaqla xarici ölkələrdən gətirilmişdir, bir qismi isə yerli şəraitə yuğun, ənənəvi ağac növləridir. İməcilikdə, həmçinin, əkilmiş ağaclar suvarılmış, taxta dirəklərlə möhkəmləndirilmişdir.

Bundan başqa, rayonun bütün idarə, müəssisə və təşkilatlarına məxsus ərazilərdə abadlıq, sanitariya-gigiyena tədbirləri, yaşılllaşdırma işləri həyata keçirilmişdir. Bu tədbirlərdə Bakı Dövlət Universiteti, Azərbaycan Dövlət Texniki Universiteti, Azərbaycan Dövlət Memarlıq və İnşaat Universiteti, Bakı Biznes Universiteti, Azərbaycan Dövlət Pedaqoji Kolleci , 1 saylı Bakı Tibb Kolleci, 2 saylı Bakı Baza Tibb Kolleci və Rayon Mənzil Kommunal Təsərrüfat Birliyi, rayonun digər idarə, müəssisə və təşkilatların kollektivləri fəal iştirak etmişlər. 2016-cı il mart-aprel aylarından may ayının 10-dək hər həftənin şənbə və bazar günlərində Yasamal rayonu ərazisində rayon İcra Hakimiyyətinin rəhbərliyi ilə ağacəkmə, yaşıllaşdırma işləri həyata keçirilmişdir.

10.05.2016Çərşənbə axşamı

Yasamal Bələdiyyəsinin 2015- ci ildə gördüyü işlərin hesabatı

    2015-cü il ərzində Bələdiyyənin 13 iclası keçirilmiş və iclaslarda rayonun yerli sosial-humanitar, abadlıq və digər problemlərinin həlli  üzrə 72 məsələyə baxılmış, hər bir məsələ üzrə müvafiq qərar qəbul edilərək onların icrası təmin edilmişdir. Hesabat dövründə Bələdiyyəyə rayon sakinlərindən və ayrı-ayrı hüquqi şəxslərdən ümumilikdə 475  müraciət daxil olmuşdur. Bütün müraciətlər mövcud qanunvericiliyin tələblərinə uyğun şəkildə baxılmış, kollegial qərar qəbul edilməsinə ehtiyac olan məsələlər Bələdiyyə iclasına çıxarılaraq hər bir müraciət üzrə konkret qərarlar qəbul edilərək icraс тəmin edilmişdir. Nəticədə Bələdiyyə tərəfindən 1341 ünvana cavab məktubları, sorğular, bildirişlər  və müraciətlər göndərilmişdir. Keçən müddət ərzində bələdiyyənin daha səmərəli fəaliyyətini təmin etmək məqsədilə təşkilati-idarəetmə strukturunu təkmilləşdirmiş, bələdiyyənin maliyyə-iqtisadi bazası möhkəmləndirilmişdir. Bələdiyyə idarəçiliyində müasir idarəetmə texnologiyalarını tətbiq etməklə vahid informasiya  bazası yaradılmış və əhaliyə göstərilən ictimai xidmətlərin səviyyəsi xeyli dərəcədə yaxşıllaşdırılmışdır. Eyni zamanda  Yasamal Bələdiyyəsinin yeni inzibati binasında texniki və digər təhcizatla bağlı işlər başa çatdırılmış, rayon ərazisində yerli özünüidarəetmənin səmərəli həyata keçirilməsi üçün bələdiyyə üzvləri və qulluqçuları üçün müvafiq xidməti şərait yaradılmışdır. Bələdiyyənin səmərəli fəaliyyəti onun güclü iqtisadi potensialına malik olmasından  birbaşa asılıdır. Ona görə də bələdiyyəmizin maliyyə vəziyyətinin yaxşılaşdırılması  üçün ilk növbədə yerli vergi və ödənişlərin yığılması prosesi təkmilləşdirilmiş və vergi ödəyicilərinin avtomatlaşdırılmış uçotu sistemi yaradılmış, yerli vergi və ödənişlərin əhali tərəfindən asan ödənilməsi məqsədilə Yasamal bələdiyyəsi emanat ödəniş terminallarına qoşulmuşdur. Aparılmış məqsədyönlü tədbirlər nəticəsində qeydə alınmış vergiödəyicilərin sayı 25 minə çatdırılmış, 50 minə yaxın vergiödəyicisinə tədiyyə bildirişləri verilmişdir. 2015-ci ildə Yasamal bələdiyyəsinin gəlirləri 546 899 manat, xərcləri isə 512 232 manat təşkil etmişdir.

 

Gəlirlər:

Fiziki şəxslərdən torpaq və əmlak vergisi- 251630 man.

Mehmanxana sanatoriya  və turizm xidmətlərinə görə ödənişlər-  77430 man.

Avtomobil dayanacaqlarından rüsum- 5269  man.

Torpaq icarə haqqı-  26260 man.

Bələdiyyə əmlakının özkəninkiləşdirilməsindən  gəlir- 4160 man.

Bələdiyyənin digər fəaliyyətindən daxil olan gəlirlər- 12150 man.

Dövlət büdcəsindən verilən dotasiya- 170 000 man.

Xərclər:

Aparatın saxlanması xərcləri- 241176  man.

Sosial müdafiə və sosial təminat xərcləri-  55 534  man.

Mənzil kommunal, abadlıq və quruculuq xərcləri- 185 987  man.

Digər xərclər- 29535  man.  

   Bildiyiniz kimi yerli vergi və ödənişlərin yığılması, bələdiyyə büdcəsinin lazımi səviyyədə formaılaşdırılması və onun maliyyə potensialının gücləndirilməsi, ilk növbədə bələdiyyə əhalisinin mənafeyinə uyğun yerli problemlərin həlli ilə bağlı sosial-iqtisadi, abadlıq-quruculuq və ekoloji proqramların reallaşdırılmasına xidmət etməlidir. Bu baxımdan Yasamal Bələdiyyəsi yaşayış məhəllələrin abadlaşdırılması və nümunəvi abad məhəllələr yaradaraq yerli sakinlərin istifadəsinə verilməsi sahəsində müəyyən təcrübə toplamış və müsbət nəticələr əldə etmişdir. Belə ki, bələdiyyəmiz  fəaliyyətə başladığı ilk gündən işini  inzibati ərazidə yaşayan sakinlərlə əlaqəli şəkildə qurmağa və yerli əhalinin bələdiyyənin fəaliyyətinə cəlb etməyə çalışmışdır.  Fəaliyyət planımız sakinlərin sosial sifarişləri ilə bağlı daxil olan müracətlər əsasında tərtib olunur. Ərazidə yaşayış məhəllələrin abadlaşdırılması zamanı da  yerli əhalinin istək və arzularının nəzərə alınmasını vacib şərt kimi dəyərləndiririk. Bu məqsədlə bələdiyyənin inzibati ərazizində yaratdığımız məhəllə komitələrinin imkanlarından  maksimum  istifadə edirik. Onlara bələdiyyənin fəaliyyəti, funksiya və səlahiyyətləri, yerli vergi və ödənişlərin ödənilməsi, habelə məhəllə komitələrinin bələdiyyənin işində biləvasitə iştirakı ilə bağlı müvafiq maarifləndirmə işləri aparılır və eyni zamanda yerli problemlərin öyrənilməsi məqsədi ilə sorğular keçirilərək aşkar edilmiş problemlərin birgə həllinə nail olunur. Əhali ilə birgə fəaliyyətin vacibliyini nəzərə alaraq 2015-ci ilin birinci yarımilində də  10 yeni məhəllə komitəsi yaradılmış və beləliklə də  Yasamal bələdiyyəsində  məhəllə komitələrinin sayı 84-ə çatdırılmışdır. Bu istiqamətdə işlərimizi davam etdiririk.

    Bələdiyyə ərazisində yaşayan sakinlərin biləvasitə köməyi və dəstəyi ilə “Bir Bələdiyyə -azı bir layihə” çərçivəsində Yasamal Bələdiyyəsi tərəfindən son 5 il ərzində 5 yaşayış məhəlləsində, sakinlərin bütün sosial təbəqələri üçün hər cür şəraiti olan nümunəvi abad məhəllələr yaradılaraq onların idtifadəsinə verilmişdir. Abadlaşdırılmış məhəllələrdə sadə idman meydançaları tikilmiş və lazımi idman qurğuları ilə təchiz edilmişdir.

   Bələdiyyə iclasının qərarı ilə məhəllələrdə abadlıq-quruçuluq işləri, ilk növbədə daha çox vergi ödəyən məhəllə komitələrinin ərazisində aparılması müəyyənləşdirilmişdir. Belə bir qərarın qəbul edilməsində məhəllə komitələri də iştirak etmiş və stimullaşdırıcı amil kimi  bu təcrübə tərəfimizdən son illərdə uğurla tətbiq edilir. Bələdiyyə büdcəsinə ödənilən vergilərin əsasən də məhəlləsinin abadlaşdırılmasına  və orada yaşayan aztəminatlı ailələrə maddi yardımlara yönəldilməsi barədə məlumatı olan və qonşu məhəllələrin timsalında bunu  faktiki görən sakinlər vergilərin vaxtında ödənilməsində özləri maraqlı olurlar.  Təcrübə göstərir ki, məhəllələrin abadlaşdırılması zamanı yerli əhalinin bələdiyyə işinə cəlb edilməsi, bələdiyyə fəaliyyətində şəffaflığın təmin edilməsinin əsas şərti kimi ictimai nəzarətin həyata keçirilməsinə şərait yaratmaqla bərabər, yerli əhalidə təşəbbuskarlığı da artırmış olur. Eyni zamanda  istifadəyə verildilkdən sonra abadlaşdırılmış məhəllələrin qorunub saxlanması və yaşıllıqlara xidmət edilməsi işinin təşkilini maraqlı tərəf kimi məhəllə sakinləri  öz üzərinə götürürlər.

Qeyd etdiyim müsbət nəticələri nəzərə alaraq ərazidə məhəllələrin abadlaşdırılması işində  sakinlərin daha aktiv iştirakını təmin etmək məqsədilə tərəfimizdən məhəllə komitələrinin işinin daha səmərəli qurulması üçün onların koordinasıya şurası yaradılmış və imkanlarından maksimum yararlanmaq istiqamətində işlərimizi davam etdiririk. Məlumat üçün bildiririk ki, 2015-ci il ərzində  də  rayon ərazisində  növbəti bir yaşayış məhəlləsinin abadlaşdırılmasını planlaşdırmışıq.  Dörd  hündürmərtəbəli yaşayış binasını  özündə birləşdirən və  500-ə yaxın ailə olmaqla 2000 nəfərdən çox əhalinin yaşadığı məhəllədə hal-hazırda məhəllə komitəsinin yaradılması, sakinlərin iştirakı ilə  məhəllənin planlaşdırılması, görüləcək abadlıq işlərinin smetasının müəyyənləşdirilməsi  və  yerli vergilərin yığılması   istiqamətində müvafiq işlər aparılır.

Cari ilin 1-ci rübündə rayonun M. Rahim 20 yaşayış məhəlləsi tam abadlaşdırılaraq sakinlərin istifadəsinə verilmişdir.

    Hesabat dövründə Respublikamızda keçirilən I Avropa oyunlarına hazırlıq və oyunların keçirilməsi ilə bağlı tədbirlərdə də  Yasamal  Bələdiyyəsi fəal iştirak etmiş və öhdəsinə düşən məsələləri vaxtında və yüksək məsuliyyət hissi ilə yerinə yetirmişdir. Rayon ərazisindən keçən  olimpiya marşurut yollarının kənarlarında təmir-tikinti və yaşıllaşdırma işləri aparılmış, bu məqsədlə bələdiyyə büdcəsindən 53 min manat maliyyə vəsaiti xərclənmişdir.

   Rayonun İ.Qutqaşınlı, Q. Xəlilov, B. Xəlilov küçələrində yeni çəkilmiş yolun ətrafının müasir üzluk materiallardan hasarınmasını rayon icra hakimiyyəti ilə birlikdə həyata keçirilmiş, qeyd olunan 696 kv.m. hissəsi bələdiyyə büdcəsi hesabına yerinə yetirilərək bu məqsədlə 50 min manat xərclənmişdir.

    İl ərzində rayonun məhəllədaxili yollarında təmir işləri aparılmışdır. Belı ki, M.Seyidov, M.Muxtarov küçələrində, Y.Yasamal 2, 308 saylı orta məktəbin giriş yolu, Y. Yasamal ev 4, 5, 6 və  ev 9, 10 yaşayış məhəllələrinin giriş yolları təmir edilmiş və ümumilikdə 4430 kv. metr asfalt örtüyü çəkilmiçdir. Ümumilikdə  hesabat  ili ərzində təmir-tikinti və abadlıq işlərinə 158 min manat maliyyə vəsaiti xərclənmişdir.

     Yasamal Bələdiyyəsi 2015- ci ilin noyabrında respublikada keçirilən parlament seçkilərində fəal iştirak etmişdir. Belə ki, təsdiq olunmuş tədbirlər planına uyğun olaraq rayon ərazisində yaşayan seçicilərin siyahısı dəqiqləşdirilmiş, seçici aktivliyinin artırılması üşün müvafiq tədbirlər görülmüş, ərazidə təbliğat-təşviqat lövhələrinin yerləşdirilməsi və seçki məntəqələrinin təşkili ilə bağlı öhdəmizə düşən məsələləri vaxtında həll edərək seçkilərin  yüksək səviyyədə həyata keçirilməsinə nail olunmuşdur.

    Hesabat dövründə Yasamal bələdiyyəsi xarici ölkə bələdiyyələri ilə təcrübə mübadiləsi ilə bağlı da müəyyən işlər görmüşdür. Bələdiyyə rəhbərliyi yerli özünüidarəetmə sahəsində qabaqcıl təcrübənin öyrənilməsi məqsədi ilə qardaş Türkiyə Respublikasında və  Litva dövlətində olmuş, qarşılıqlı əlaqələrin yaradılması istiqamətində müəyyən işlər aparılmışdır. Mövcud əlaqələr çərçivəsində Yasamal Bələdiyyəsi ilə qardaşlaşmış  İstanbul şəhərinin  Pendik Bələdiyyəsinin  2015-ci ilin 18-24 aprel tarixlərində Beynəlxalq Uşaq şənliklərində  bələdiyyəmizi Yasamal rayonunun  24 saylı Uşaq Gənclər Yaradıcılıq Mərkəzinin rəqs qrupu təmsil etmişdir.

   Yasamal  Bələdiyyəsinə  hesabat  dövrü  ərzində sosial problemlərlə bağlı  rayon təşkilatlarından və sakinlərdən daxil olmuş müraciətlər əsasında tədbirlər keçirilmiş və əhaliyə maddi yardımlar göstərilmişdir.

   “20 Yanvar” faciəsinin 25-ci ildönümü ilə əlaqədar rayon İcra Hakimiyyəti  ilə  birgə 158 saylı orta  məktəbdə keçirilən tədbirdə  40 nəfər şəhid ailəsinin hər birinə 20 (iyirmi) manat olmaqla ümumilikdə 800 manat məbləğində ərzaq yardımı göstərilmişdir. 

    Faşizm üzərində qələbənin 70 illiyi ilə əlaqədar olaraq  bələdiyyənin yeni tikilmiş inzibati binasında  08.05.2015-ci il tarixdə rayon İcra Hakimiyyəti nümayəndələrinin iştirakı ilə keçirilən tədbirdə 20 nəfər BVM veteranının hər birinə 30(otuz)manat məbləğində olmaqla ümumilikdə 600 manat məbləğində  maddi yardım göstərilmişdir.

     Qurban bayramı münasibətilə rayon ərazisində yaşayan 75 nəfər şəhid,əlil,köçkün ailələrin hər birinə 1kq. olmaqla 770(yeddi yüz yetmiş)manat məbləğində qurban əti paylanmışdır.

     Yeni dərs ilinin başlanması ilə əlaqədar 13 imkansız ailəyə 24 nəfər məktəbli üçün məktəbli formalarının və dərs ləvazimatlarının alınması üçün ümumilikdə 1200(bir min iki yüz)manat məbləğində maddi yardım göstərilmişdir.

     31 dekabr Dünya Azərbaycanlılarının Həmrəyliyi  günü və Yeni il münasibətilə Yasamal rayon ərazisində yaşayan 25 nəfər şəhid ailəsinə,20 nəfər Qarabağ müharibəsi əlilinə,5 nəfər Qarabağ veteranının hər birinə 30(otuz)manat olmaqla 1500(bir min beş yüz)manat məbləğində maddi yardım göstərilmişdir.

 Keçirilən tədbirlərlə yanaşı Bələdiyyəyə sosial məsələlərlə bağlı daxil olan AR.Prezidenti Administrasiyasından,rayon İcra Hakimiyyətindən 12, AR.Ədliyyə nazirliyi Bələdiyyələrlə İş Mərkəzindən 6 və  rayon sakinlərindən 157 müraciət müvafiq komissiyada baxılmış və Bələdiyyə iclasında müzakirə edilmişdir.Hesabat dövrü ərzində çıxarılan müvafiq qərarlara əsasən 35 şəhid ailəsinə, 29 Qarabağ əlilinə, 5 Qarabağ veteranına, 67 əlilə, 1 Çernobıl əlili ailəsinə, 3 məcburi köçkün ailəsinə,5 tənha ahıl şəxsə, 11 pensiyaçıya, 46 imkansız ailəyə ümumilikdə  202 nəfərə maddi yardım göstərilmişdir.  

     Rayon ərazisində yaşayan müharibə və əmək veteranlarının sosial müdafiəsini gücləndirmək məqsədilə rayon müharibə və əmək veteranları təşkilatına hər ay 200 manat olmaqla 2400 manat, rayon Qarabağ müharibəsi əlilləri,veteranları və şəhid ailələri İctimai birliyinə  hər ay 200 manat olmaqla 2400 manat məbləğində vəsait ayrılmışdır.

   Yasamal bələdiyyəsinin təşkilatlığı ilə rayon ərazisində 4 ay müddətində “Analıq məktəbi” və “ Kimsəsizlərə yardım “ sosial və maarifləndiriçi layihələr həyata keçirilmişdir. Layihələr bələdiyyə üzvü Sima Çələbinin rəhbərliyi ilə bələdiyyə üzvləri Fatimə Məmmədova və Reyhan Rzayeva tərəfindən reallaşdırılmışdır.

    Ümumilikdə  sosial tədbirlərə 21570 manat məbləğində vəsait xərclənmişdir.

    İl ərzində Yasamal bələdiyyəsinin gördüyü işlər və 2016-cı ildə qarşıda duran vəzivələr barədə  rayonun 4 sahə inzibati ərazi dairələri ilə birlikdə  rayon sakinləri ilə görüçlərdə  hesabatlar verilmişdir.

    Gələcəkdə də Yasamal Bələdiyyəsi inzibati ərazisində yerli problemlərin həlli istiqamətində işlərini uğurla davam etdirmək əzmindədir.

 

Yasamal  bələdiyyəsinin sədri                                                      Zakir  Cəfərov

« 1 2 3