Yasamal Bələdiyyəsində ixtisasartıma kurslarını bitirmiş tələbələrə sertifikatlar təqdim edildi
Martın 8-də Yasamal Bələdiyyəsi İATM(İqtisadi Araşdırmalar və Tədris Mərkəzi) ilə birgə ixtisasartırma kurslarını bitirmiş tələbələrə sertifikatların təqdim edilməsi mərasimini keçirtmişdir.
Fevralın 26-da Xocalı soyqırımının 27-ci ildönümü ilə əlaqədar ümumxalq yürüşü keçirildi
Fevralın 26-da Yasamal rayon İcra Hakimiyyətinin və Yasamal Bələdiyyəsinin əməkdaşları Xocalı soyqırımının 27-ci ildönümü ilə əlaqədar ümumxalq yürüşündə iştirak etdilər.Xocalı şəhidlərinin xatirəsinə ucaldılmış abidə ziyarət edildi, abidənin önünə qərənfillər düzüldü, faciə qurbanlarının xatirəsi dərin ehtiramla yad olundu.Bu ümumxalq yürüşü Azərbaycanın Xocalı soyqırımı ilə bağlı apardığı genişmiqyaslı işinin növbəti mərhələsidir.Dünya Xocalı qırğını haqqında əsl həqiqəti bilməli, başa düşməlidir ki, XX əsrin sonunda bütün sivil bəşəriyyətin gözü qarşısında törədilmiş bu vəhşiliyə laqeydlik, yüzlərlə dinc insanın ölümündə təqsirkar olanların cəzalandırılmaması belə faciələrin planetin hər bir nöqtəsində təkrarlanmasına gətirib çıxara bilər.Bu yürüş həm də Azərbaycan xalqının sıx birliyini, onun öz şəhidlərinin xatirəsinə ehtiramını, işğal altındakı torpaqların azad olunması və ölkəmizin ərazi bütövlüyünün bərpası üçün əlindən gələni etmək əzmini nümayiş etdirdi.
20 yanvar şəhidlərinin əziz xatirəsini qürurla yad edirik
20 yanvar faciəsi xalqımızın qan yaddaşına hüzn və kədər, qürur və qəhrəmanlıq səhifəsi kimi yazılıb.1990-cı il yanvarın 19-dan 20-nə keçən gecə şəhid qanları ilə Azərbaycanın yeni tarixi yazıldı. 20 Yanvar xalqımızın qəhrəmanlıq salnaməsinə ən parlaq səhifələrindən biri kimi daxil oldu.Yasamal rayon İcra Hakimiyyəti 20 Yanvar faciəsinin 29-cu ildönümünə həsr olunmuş tədbir keçirdi. 20 Yanvar Memorial Abidə Kompleksində təşkil olunan tədbir, bütün ölkə ərazisində olduğu kimi, bir dəqiqəlik sükutla başlandı. Yasamal rayon İcra Hakimiyyəti başçısı Əziz Əzizov rayon abidə önünə əklil qoyaraq şəhidlərin xatirəsini ehtiramla yad etdi. Sonra Azərbaycan Respublikasının Dövlət Himni səsləndi.
Yanvarın 17-də Yasamal rayon Bələdiyyəsində “Ailə Akademiyası” layihəsinin açılış tədbiri keçirildi
Yanvarın 17-də Yasamal rayon Bələdiyyəsinin yeni yaradılmış kitabxanasında rayon İcra Hakimiyyətinin birgə təşkilatçılığı ilə “Ailə Akademiyası” layihəsinin açılış tədbiri keçirildi.Tədbirdə Yasamal rayon İcra hakimyyəti başçısının müavini Təravət Muradova, Yasamal Bələdiyyəsinin sədri Zakir Cəfərov, Ailə,Qadın və Uşaq Problemləri üzrə Dövlət Komitəsinin sədr imüavini Aynur Sofiyeva, YAP Yasamal rayon təşkilatının Qadınlar şurasının sədri Tamella Şahbazova,Yasamal rayon Heydər Əliyev Mərkəzinin direktoru Naminə Ömərova, AMEA-nın Fəlsəfə İnstitutunun Politologiya şöbəsinin müdiri, elmlər doktoru,professor Rəna Mirzəzadə, bələdiyyə qulluqçuları və rayon ərazisində fəaliyyət göstərən digər müəssisə ,təşkilatların rəhbərləri iştirak etdilər.Tədbiri giriş sözü ilə Yasamal rayon İcra hakimiyyətinin başçısı Təravət Muradova açaraq, öz çıxışında müasir dövrdə dünyada baş verən qlobal dəyişikliklərin və çağırışların ailə institutuna nəzərəçarpacaq təsir göstərdiyini, bununla əlaqədar olaraq, dövlət ailə siyasətinin dəstəklənməsi istiqamətində ailə institutunun təbliği, milli-mənəvi dəyərlərin gənc nəsilə aşılanması, eləcədə qadınların cəmiyyətdə fəallığının və iştirakçılığının artırılması məqsədilə yerlərdə özünüidarəetmə orqanlarının imkanlarını nəzərə alaraq, bələdiyyə orqanları ilə birgə “Ailə Akademiyası” layihəsinin keçirilməsini qeyd etdi. Ailə,Qadın və Uşaq Problemləri üzrə Dövlət Komitəsinin sədr müavini Aynur Sofiyeva qloballaşma şəraitində zamanın çağırışlarına uyğun olaraq baş verən bir sıra proseslərin ailə institutuna nəzərəçarpacaq təsir göstərdiyini qeyd etdi. “Ailə Akademiyası” layihəsinin əsas məqsədinin qloballaşmanın ailə institutuna təsiri fonunda ailə dəyərlərinin təbliği, milli-mənəvi və ümumbəşəri dəyərlərin qorunub saxlanılaraq gələcək nəsillərə ötürülməsi, qadınların cəmiyyətdə fəallığının və iştirakçılığının artırılması,gənclərin hüquqi biliklərinin və müasir cəmiyyətin inkişafında rolunun artılıması olduğunu qeyd etdi.O cümlədən hazırda ölkə ərazisində 1607 bələdiyyə orqanının fəaliyyət göstərdiyini, ailə akademiyası layihəsi çərçivəsində tədbirlərin bələdiyyə orqanlarında mütəmadi olaraq keçirilməsinin nəzərdə tutulduğunu, bu isə ümumilikdə il ərzində tədbirlərin davamlılığından asılı olaraq 1 ay ərzində 2 görüş, hər görüş üçün 30 nəfər nəzərdə tutulduğunu qeyd etdi və bu görüşlərin 1.1 milyondan artıq insanın maariflənməsinə səbəb olacağını vurğuladı. AMEA-nın Fəlsəfə İnstitutunun Politologiya şöbəsinin müdiri, elmlər doktoru,professor Rəna Mirzəzadə öz çıxışında layihənin əhəmiyyətindən, müasir gənclərin üzləşdiyi ictimai problemlərdən, Azərbaycanda qadın hüquqlarından,onlara verilən dəyərdən, boşanmalar və səbələrindən, ailə təməlinin düzgün qurulmasından danışaraq, örnək ailə nümunələrindən bəhs etdi.Tədbirin sonunda Yasamal Bələdiyyəsinin sədri Zakir Cəfərov layihənin davamlılığı məqsədilə yerli özünüidarəetmə orqanları tərəfindən müxtəlif mövzular üzrə ekspertlərin iştirakı ilə tədbirlərin mütəmadi olaraq keçirilməsinin vacibliyini vurğuladı.
Yanvarın 12-də Yasamal Bələdiyyəsində Vergi və ödənişlər şöbəsinin hesabat iclası keçirildi
Yanvarın 12-də Yasamal Bələdiyyəsinin İnzibati binasının kitabxana və akt zalında Vergi və ödənişlər şöbəsinin hesabat iclası keçirildi.İclası giriş sözü ilə Yasamal Bələdiyyəsinin sədri Zakir Cəfərov açdı.Sonra Vergi və ödənişlər şöbəsinin müdiri Həmid Həmidov illik hesabat verdi.Yasamal Bələdiyyəsinin sədr müavini Habil Əhmədov və hüquqşünas Samirə Aslanova da çıxış etdilər,müfətttişlərin hesabatları dinlənildi.Sonda cari ilin tədbirlər planı təsdiqləndi.
Yasamal Bələdiyyəsinin uğurları
Bələdiyyələrin yarandığı vaxtdan Yasamal Bələdiyyəsi sədr Zakir Cəfərovun rəhbərliyi ilə hər il bir yeniliyə nail olur.Bu da rayon rəhbərliyi və sakinləri tərəfindən çox böyük rəğbətlə qarşılanır.Bildiyimiz kimi Yasamal Bələdiyyəsi Bakı şəhərinin ərazi və əhali cəhətdən ən böyük rayonlarından birini əhatə edir.Ərazidə yerləşən böyük ticarət mərkəzləri,elm,təhsil ocaqları və səhiyyə müəssisələri daima əhalinin xidmətindədir.Yasamal Bələdiyyəsi öz səlahiyyətləri çərçivəsində ilk növbədə rayonda abadlıq quruculuq işlərinə diqqət yetirir.Yasamal Bələdiyyəsi rayon İcra hakimiyyəti ilə birlikdə yaşayış massivlərində neçə-neçə abad həyətlərin qurulması,küçələrə asfalt salınması,park və bağların daha da yaşıllaşdırılması və sakinlərin istirahəti üçün hər cür şəraitin yaradılmasında iştirak edir.
Yasamal Bələdiyyəsi respublikada bələdiyyələr arasında ilk dəfə 23 oktyabr 2018-ci il tarixində öz kitabxanasını açmışdır. Burada müxtəlif mövzularda tədbirlər keçirilir, alimlərlə, həkimlərlə, elm adamları ilə görüşlər təşkil olunur.
Yasamal Bələdiyyəsinin bütün struktur bölmələri öz fəaliyyətlərini təsdiq olunmuş əsasnamələri əsasında yerinə yetirilər.Bələdiyyə qulluqçularının nizam-intizam qaydalarına riayət etmələri daima nəzarət altında saxlanılır.
Vergi və ödənişlər şöbəsi tərəfindən ödəyicilərə daima borcları barədə ilk dəfə ödənişə cəlb etmək məqsədilə bildiriş, tədiyyə bildirişi, borcun ödənilməməsi təqdirdə müvafiq tədbirlərin görülüəcəyi ilə bağlı xəbərdarlıqlar təqdim olunur.Arxivin formalaşması işi davam etdirilir.Bütün bunların nəticəsi olaraq hər ay mütəmaddi olaraq vergi və ödənişlərin yığımında 10% artım müşahidə olunmuşdur.
Bələdiyyə mülkiyyətinə nəzarət şöbəsi rayonun məhəllədaxili ərazilərində müxtəlif icra orqanları tərəfindən sakinlərin avtomaşın saxlamaq üçün,( yəni qaraj istiqamətində istifadəyə) verilmiş torpaqlarının reyesteri ilə bağlı inventarlaşma aparmışdır.Bu işlər davam etdirilir və qarşıdakı ildə tam yekunlaşdırılması nəzərdə tutulur.Abadlıq istiqamətində sakinlərə verilmiş torpaqlara Vergi və ödənişlər şöbəsi ilə birlikdə müşahidə baxışı keçirilmiş və aktlaşdırılmışdır.Bundan əlavə bələdiyyə mülkiyyətinə nəzarət şöbəsi qarşıdakı yeni ildə icarəyə və istifadəyə verilmiş torpaq sahələrinin yerləşməsinin ünvanlara uyğun olaraq koordinatlarını,kosmik fəzadan çəkilişini sənədlərə daxil etməyi nəzərdə tutur.
İnsan resurslarının idarə edilməsi və sənədlərin qəbulu şöbəsi hər ay bələdiyyə qulluqçularının sayı və gördüyü işlər haqqında rəhbərliyə məlumat vermişdir.Yasamal Bələdiyyəsinə işə qəbul olunan və işdən xaric edilən işçilərin statistik sayı haqqında hər ayın əvvəlində Dövlət Məşqulluq İdarəsinə yazılı hesabat təqdim etmişdir.
Yasamal Bələdiyyəsi humanitar sahədə də xeyli işlər görmüşdür.Beləki sakinlərə verilən maddi yardımlar ötən illərə nisbətən 30% artmışdır.
Yasamal Bələdiyyəsinin bütün bu uğurları “Bələdiyyə Birliyi”,”Ulu Məkan” qəzetlərinin,”Zəka və Ülviyyət” jurnalının buraxılışlarında tez-tez işıqlandırılır.
Gələcəkdə Yasamal bələdiyyəsi əldə etdiyi uğurları daha da artıracaq,sakinlərin rifahı və yaşayışı üçün ildən-ilə fəaliyyətini genişləndirəcəkdir.Bu işdə Yasamal Bələdiyyəsinə uğurlar arzulayırıq.
Azərbaycan Ədliyyəsinin 100 illik yubileyi Yasamal rayonunda qeyd olundu
Azərbaycan Ədliyyəsinin 100 illik yubileyi və 22-noyabr ədliyyə işçilərinin peşə bayramı günü münasibətilə Yasamal rayon İcra Hakimiyyətinin və rayon qeydiyyat şöbəsinin birgə təşkilatçılığı ilə Yasamal rayon məhkəməsində tədbir keçirildi.Tədbir Yasamal rayon Heydər Əliyev Mərkəzində davam etdirildi.Tədbirdə Yasamal rayon İcra Hakimiyyətinin başçısı Əziz Əzizov,Yasamal rayon Məhkəməsinin sədri Araz Hüseynov,Ədliyyə Nazirliyi Vətəndaşlıq vəziyyəti aktlarının Reistri xidmətinin rəisi Reyhan Kərimova,Yasamal rayon İcra Hakimiyyətinin başçısının müavini Təravət Muradova,Yasamal rayon Qeydiyyat şöbəsinin rəisi İlahə Ələsgərova,Ədliyyə işçiləri və KİV nümayəndələri iştirak etdilər.Yasamal rayon Icra Hakimiyyətinin başçısı Əziz Əzizov öz çıxışında Azərbaycan ədliyyəsinin şanlı tarixindən və inkişaf yolundan,ümummilli lider Heydər Əliyevin ölkəmizə rəhbərliyinin bütün dövrlərində bu sahəyə göstərdiyi diqqət və qayğıdan bəhs edərək,Prezident İlham Əliyevin rəhbərliyi ilə son illər bu sahədə sürətli tərəqqiyə nail olunduğunu vurğuladı.Yasamal Məhkəməsinin sədri Araz Hüseynov və digər çıxış edənlər Azərbaycan ədliyyəsinin dinamik inkişaf edtiyini,məhkəmə-hüquq sahəsində uğurlu islahatların aparıldığını,bunun nəticəsində ədalət mühakiməsinin keyfiyyətcə yeni mərhələyə yüksəldiyini bildirdilər.Sonda səmərəli fəaliyyətləri ilə fərqlənən ədliyyə işçilərinin bir qrupuna rayon İcra Hakimiyyətinin fəxri fərmanları və hədiyyələri təqdim edildi.
Noyabrın 19-da Yeni Azərbaycan partiyasının Yasamal rayon təşkilatının yaradılmasının 26-ci ildönümü ilə əlaqədar tədbir keçirildi.Tədbir iştirakçıları əvvəlcə Fəxri xiyabana gedərək ulu öndər Heydər Əliyevin və görkəmli oftalmoloq Zərifə xanım Əliyevanın məzarlarını ziyarət edib onların xatirələrini ehtiramla yad etdilər.Tədbir Yeni Azərbaycan Partiyasının Yasamal rayon təşkilatının qərərgahında davam etdirildi.Tədbir iştirakçıları qərərgahda Azərbaycan xalqının ümummilli lideri Heydər Əliyevin xatirəsinə ucaldılmış büstün önünə gül-çiçək dəstələri düzdülər.Partiyanın Yasamal rayon təşkilatının qərərgahında davam edən tədbirdə Milli Məclisin sədr müavini YAP İdarə Heyətinin üzvü Bahar Muradova,Milli Məclisin sədrinin birinci müavini YAP siyasi Şurasının üzvü Ziyafət Əsgərov,Yasamal rayon İcra Hakimiyyətinin başçısı Əziz Əzizov,YAP Yasamal rayon təşkilatının sədri Tağı Əhmədov iştirak etdilər.Digər çıxışçılardan sonra çıxış edən Yasamal rayon İcra hakimiyyətinin başçısı Əziz Əzizov diqqətə çatdırdı kı,Yeni Azərbaycan partiyasının xalqın ən inamlı partiyası olmasını şərtləndirən vacib amil partiya sıralarına Azərbaycanın sağlam, intelektual gənclər ordusunun axınıdır.Bütün bunlar eyni zamanda təməli 26 il öncə qoyulmuş Yeni Azərbaycan partiyasının apardığı siyasətin nəticəsidir.Tədbirin sonunda “Ölkəmizi tanıyaq” maarifləndirici tur-aksiyada qalib gələn Yasamal rayon məktəblilərinə,YAP Yasamal rayon təşkilatının fəallarına Yasamal rayon İcra hakimiyyətinin fəxri fərmanları,YAP-ın sıralarına yeni qəbul olunanlara üzvlük vəsiqələri təqdim olundu.
Noyabrın 17-də “Ölkəmizi tanıyaq” tur-aksiyası başa catdı
Noyabrın 17-də Prezident İlham Əliyevin tapşırığına əsasən həyata keçirilən “Ölkəmizi tanıyaq” tur- aksiyası başa çatıb.Noyabrın 14-də başalmış tur-aksiyası çərçivəsində Gəncə-Şəmkir-Göygöl şəhərləri istiqamətində səfərdə olan Yasamal rayon məktəbliləri paytaxta geri qayıtdılar.Yasamal rayonunun 9,11-ci sinif şagirdləri və onların müəllimləri Gəncə şəhərinin,Şəmkir və Göygöl rayonlarının tarixi,mədəniyyəti və adət-ənənələri barədə zəngin məlumatlar əldə edib,biliklərini artırıb,bölgələrimizin inkişafının şahidi olublar.Qarşılanma mərasimində çıxış edən Yasamal rayon İcra hakimiyyəti başçısının müavini Təravət Muradova öz çıxışında Prezident İlham Əliyevin təşəbbüsü ilə keçirilən “Ölkəmizi tanıyaq” maarifləndirici tur-aksiyanın əhəmiyyətindən danışaraq,qey etdi ki, Gəncə şəhərində keçirilən “Kim,harda,nə zaman” bilik yarışmasında Yasamal rayon məktəbliləri 1-ci yer tutublar.Qarşılanma mərasimi məktəblilərin hazırladıqları konsert proqramı ilə başa çatıb.
Noyabrın 17-də Yasamal Bələdiyyəsində həkim cərrah Ceyhun Babayevlə görüş keçirildi
Noyabrın 17-dəYasamal Bələdiyyəsində Rusiya Federasiyası İjevsk Dövlət Tibb Akademiyasının məzunu,Tibb üzrə fəlsəfə doktoru,Rusiya Təbii Elmlər Akademiyasının Professoru,Alfred Nobel adına medala layiq görülmüş, IV Rus millətlər festivalı laureyatı,Azərbaycan Respublikası “Xüsusiləşdirilmiş Anjeoloji mərkəzi”in həkim cərrahı Babayev Ceyhun Alim oğlu ilə görüş keçirildi.Tədbirdə Yasamal Bələdiyyəsinin sədri Zakir Cəfərov, bələdiyyə üzvləri və qulluqçuları, Ulu Məkan qəzetinin redaktoru Əli Vahid Çaylı,yerli sakinlər və KİV nümayəndələri iştirak etdilər.Yasamal Bələdiyyəsinin sədri Zakir Cəfərov tədbiri giriş sözü ilə açaraq,Yasamal Bələdiyyəsi tərfindən belə görüşlərin təşkil edildiyini və Yasamal sakinlərinin tibbi maarifləndirilməsi ilə bağlı bu tipli tədbirlərin daim bundan sonra da təşkil ediləcəyini bildirdi.Ceyhun Babayev Rusiya Cərrahlar cəmiyyətinin,Rusiya endoskop Cərrahlar Cəmiyyətinin,Rusiya angioloqlar və damar cərrahları cəmiyyətinin üzvü,bir çox məqalələrin müəllifidir .Həkim cərrah Ceyhun Babayev öz cıxışında mədəaltı vəzidə kəskin iltihabın yeni müalicə metodunu kəşf etdiyini vurğuladı.Sonda həkim cərrah Ceyhun babayev ümumi cərrahiyyə,damar cərrahiyyəsi,mədəaltı vəzi və onun xəstəlikləri,şəkərli diabet və onun ağırlaşması və s. kimi xəstəliklərlə bağlı qonaqları maraqlandıran sualları cavablandırdı.
17 noyabr Milli Dirçəliş Günüdür
Azərbaycanın Milli Dirçəliş Günü 17 noyabr, 1992-ci ildə elan olunmuşdur. Bu bayram 1988-ci ilin noyabr-dekabr aylarında Bakıda olan milli azadlıq hadisələriylə bağlıdır. Azərbaycanda bu hadisələr milli-azadlıq hərakatı kimi qiymətləndirilir və Respublikamızın istiqlaliyyət qazanmasında əsas amil sayılır. 1988-ci il noyabrın 17-də Ermənistanın torpaq iddiaları, SSRİ rəhbərliyinin Dağlıq Qarabağ bölücülərinə dolayı dəstək verməsi, Azərbaycan hakimiyyətinin ərazi bütövlüyünün müdafiəsində qətiyyətsizliyi əleyhinə Bakıda tələbə hərəkatı fəallarının başlatdığı etiraz aksiyaları ümummilli mitinqlərlə nəticələndi. Milyonlarla insan Azadlıq meydanına yığışaraq Moskvanın anti-Azərbaycan siyasətinə qarşı çıxdı. Dekabrın əvvəllərində mitinqlər SSRİ-nin daxili qoşunları tərəfindən dağıdılsa da, Moskva Azərbaycan xalqının milli azadlıq hərəkatının qarşısını ala bilmədi.
1989-cu ilin sentyabrında Ali Sovetin Azərbaycanın suverenliyi haqqında Konstitusiya Aktını qəbul etməsi Moskvanı daha da qıcıqlandırdı və 1990-cı ilin 19-20 yanvarında Bakıya qoşun yeridildi. Mitinq iştirakçılarına qarşı ağır texnika və odlu silahdan istifadə edildi. Yüzlərlə aksiya iştirakçıları və dinc sakin vəhşicəsinə qətlə yetirildi. Amma bu hadisə xalqımızın milli qürurunu sındıra bilmədi. Əksinə, azadlıq hərəkatını daha da sürətləndirdi. 1991-ci il oktyabrın 18-də Azərbaycanın dövlət müstəqilliyinin bərpa edildiyi elan olundu. Qısa müddət ərzində Azərbaycan Respublikasının müstəqilliyinə real təhlükə olan SSRİ qoşunları Azərbaycandan çıxarıldı və 1992-ci ildən 17 noyabr Milli Dirçəliş Günü kimi qeyd olunmağa başlandı.
Yasamal rayon məktəbliləri “Ölkəmizi tanıyaq” tur-aksiyası çərçivəsində yola düşdülər
Noyabrın 14-də Yasamal rayon Heydər Əliyev Mərkəzində “Ölkəmizi Tanıyaq” tur aksiyasına həsr olunmuş tədbir keçirildi.Tədbirdə müəssisə və təşkilat rəhbərləri, rayon ictimaiyyəti və valideyinlər iştirak etdilər.İlk öncə tədbir iştirakçıları Heydər Əliyev Mərkəzində ulu öndərin abidəsini ziyarət edib gül dəstələri qoydular.Tədbir Azərbaycan Respublikasının Dövlət Himninin səsləndirilməsi ilə başlandı.Yasamal rayon icra Hakimiyyətinin başçısı Əziz Əzizov öz çıxışında bildirdi ki, “Ölkəmizi Tanıyaq” layihəsinin əsas məqsədi şagirdləri ölkəmizin müxtəlif bölgələrinin müasir həyatı,tarixi,mədəni irsi,adət-ənənələri, özünəməxsus xüsusiyyətləri ilə yaxından tanış etmək və bütün bunlar barəsində şagirdlərdə əyani təsəvvür yaratmaqdır.Tədbir məktəblilərin hazırladıqları konsert proqramı ilə davam etdi.Tur aksiya çərçivəsində Yasamal rayonundan olan 40 məktəbli Gəncə-Şəmkir-Göygöl istiqaməti üzrə səfər edəcək və eyni zamanda tarixi məkanlar,yeni tikililər ilə yaxından tanış olacaqlar.
Yasamal rayonunda aparılan abadlıq-quruculuq işləri davam etdirilir
Prezident İlham Əliyevin tapşırığına əsasən paytaxtda quruculuq işləri çərçivəsində şəhərsalmanın müasir tələblər səviyyəsinə uyğunlaşdırılmasına diqqət yetirilir.Bir çox küçə və prospektdə yaşayış binaları və parkların müasir ,zövq oxşayan üslubda bərpası,yol infastrukturunun yenidən qurulması davam etdirilir.Bakının hər yerində olduğu kimi Yasamal rayonununda da abadlıq işləri aparılır.Bu istiqamətdə həyata keçirilən layihələr çərçivəsində məhəllələrdə nümunəvi həyətlərin salınması görülən işlərin tərkib hissəsidir.Rayon ərazisində 17 yeni abad məhəllənin salınması ilə bağlı işlər görülür.Bu məhəllələrdən bir neçəsi,o cümlədən Hüseyn Cavid prospekti 518-ci məhəllədəki abad həyət artıq sakinlərin istifadəsinə verilib.
Bu gün Azərbaycan Respublikasının Konstitusiyası günüdür
1995-ci ildə qəbul olunmuş Konstitusiya müstəqil Azərbaycanın ilk ümumilikdə isə respublikanın dördüncü Konstitusiyasıdır.1918-1920-ci illərdə mövcud olmuş Azərbaycan Xalq Cümhuriyyəti dövlətin əsas qanununu qəbul edə bilməmişdi.Belə ki, Azərbaycanın ilk Konstitusiyası 1921-ci ilin mayın 19-da I Ümumazərbaycan Sovetlər Qurultayında qəbul edilib.Azərbaycan SSR Konstitusiyasının 1921-ci il SSRİ Konstitusiyasına uyğunladırılmış yeni redaksiyası 1925-ci il martın 14-də IV Ümumazərbaycan Sovetlər Qurultayında qəbul edilib.Azərbaycan SSR-in 1978-ci ilin aprelin 21-də qəbul edilmiş son Konstitusiyası da əvvəlki konstitusiyalar kimi SSRİ Konstitusiyasına uyğunlaşdırılıb.Azərbaycan müstəqillik əldə etdikdən sonra yeni Konstitusiyanın hazırlanması zərurəti meydana çıxıb.Bunun üçün prezident Heydər Əliyev rəhbərliyi ilə xüsusi komissiya yaradılıb,Konstitusiya layihəsi ümumxalq müzakirəsinə çıxarılıb.1995-ci il noyabrın 12-də referendumla müstəqil Azərbaycanın ilk Konstitusiyası qəbul olunub.Müstəqil Azərbaycanın dövlət quruculuğunun əsasını təşkil edən ilk Konstitusiya 5 bölmə,12 fəsil və 158 maddədən ibarətdir.2002-ci ilin avqustunda referendum yolu ilə Konstitusiyaya əlavə və dəyişikliklər edilib.Konstitusiya Məhkəməsi isə 1998-ci il iyul ayının 14-də yaranıb.Qeyd edək ki,Konstitusiya-dövlətin ali qanunudur,ali hüquqi qüvvəyə malikdir,dövlətin siyasi,hüquqi və iqtisadi əsaslarını təsbit edir.