04.03.2021Cümə axşamı

Vətən müharibəsi Qazilərinin ziyarəti davam etdirilir.

Yasamal Bələdiyyəsinin üzvüləri və qulluqçuları Vətən müharibəsində yaralanan əsgər və zabitlərimiz mütəmadi olaraq olaraq evlərində ziyarət edir, qazi ailələrinin problemləri ilə maraqlanır, onlara ərzaq məhsullarından ibarət sovqatlar çatdırırlar. Yasamal Bələdiyyəsinin sədri Tahir Məmmədov Vətən müharibəsi qazisi Yasamal rayonundan könüllü olaraq cəbhəyə yola düşmüş Şuşanın azad olunmasında Qazi olmuş Səfərov Fərhad Ağamirzə oğlunu, sədr müavini Emin Muxtarov Cəbrayıl rayonunun azad olunmasında Qazi olmuş Babayev Nazim İntiqam oğlunu evlərində ziyarət etmiş, səhhətləri ilə maraqlanaraq, cəbhə təəssüratlarını dinləyiblər.

Allah yaralı əsgərlərimizə şəfa versin.




03.03.2021Çərşənbə

Yasamal Bələdiyyəsi İcra aparatının Ərazi idarəetmə şöbəsinin müdiri Rizvan Mahmudov Fəxri Fərmanla təltif olundu.

Vətən Müharibəsi dövründə Orduya göstərdiyi dəstək və vətənpərvərlik nümunəsinə görə Yasamal Bələdiyyəsi İcra Aparatının Ərazi idarəetmə şöbəsinin müdiri Mahmudov Rizvan Mehralı oğlu Azərbaycan Respublikası Müdafiə nazirliyinin İdeoloji İş və Mənəvi Psixoloji Təminat İdarəsinin Şəxsi Heyət Baş İdarəsi tərəfindən Fəxri Fərmanla təltif olunmuşdur.

15.02.2021Bazar ertəsi

Yasamal Bələdiyyəsi İcra aparatının Ərazi İdarəetmə şöbəsinin müdiri Rizvan Mahmudov Fəxri Fərmanla təltif olundu

"Azərbaycan Respublikasında qismən səfərbərlik elan edilməsi haqqında" Azərbaycan Respublikası Prezidentinin müvafiq Sərəncamından irəli gələn vəzifələrin icrasında, eyni zamanda Vətən müharibəsi dövründə qələbənin əldə edilməsi naminə hərbi hissələrin hərbi vəzifəlilərlə və hərbi nəqliyyat vasitələri ilə komplektləşdirilməsi işinin təşkilində yüksək əzmkarlıqla Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin əməkdaşlarına köməklik göstərdiyinə və arxa cəbhədə fəallığı ilə fərqləndiyinə görə Yasamal Bələdiyyəsi İcra Aparatının Ərazi idarəetmə şöbəsinin müdiri Mahmudov Rizvan Mehralı oğlu Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəisi general polkovnik Arzu Rəhimovun imzaladığı Fəxri Fərmanla təltif olunmuşdur.


11.02.2021Cümə axşamı

Şəhid məzarı ziyarət edildi.

Torpaqlarımızın azadlığı uğrunda gedən döyüşlərdə qəhrəmancasına şəhid olmuş Hacıyev Qoşqar Zahid oğlunun şəhidlik zirvəsinə ucalmasından bir il ötür. Yasamal rayon İcra Hakimiyyətinin, Yasamal bələdiyyəsinin üzvülərinin və qulluqçularının, rayon ictimaiyyətinin iştirakı ilə şəhidin məzarı ziyarət edilmiş, məzarı önünə əklil və gül dəstləri qoyulmuş, ruhuna dualar oxunmuşdur. Allah bütün şəhidlərimizə rəhmət eləsin.




19.01.2021Çərşənbə axşamı

"20 Yanvar" şəhid ailələrinə ərzaq yardımı verildi.

"20 Yanvar" faciəsinin 31-ci ildönümü ilə əlaqədar Yasamal rayon İcra Hakimiyyətinin və Bələdiyyəsinin əməkdaşları tərəfindən rayon ərazisində yaşayan 21 nəfər şəhid ailəsinə ərzaq yardımı verildi.





18.01.2021Bazar ertəsi

Şəhid anası ziyarət edildi

Yasamal Bələdiyyəsinin əməkdaşları torpaqlarımızın azadlığı uğrunda gedən döyüşlərdə qəhramancasına şəhid olmuş İsgəndərov Əşrəf Ramiz oğlunun anası Məryəm Axundovanı ziyarət etmişdir.Müxtəlif xəstəliklərdən əziyyət çəkən şəhid anası üçün lazımi dərman preparatları alınmış və ərzaq yardımı verilmişdir.


06.01.2021Çərşənbə

Qarabağ Qazisinin evinə Ziyarət olunub.

Yasamal Bələdiyyəsi torpaqlarımızın erməni işğalçılarından azad edilməsi uğrunda başlanan Vətən müharibəsində yaralanan əsgər və zabitlərimizi mütəmadi olaraq evlərində ziyarət edir, qazi ailələrinin problemləri ilə maraqlanır, onlara ərzaq yardımları çatdırılır.Bələdiyyənin əməkdaşları 06.01.2021-ci il tarixdə Vətən müharibəsi qazisi Yasamal rayonundan könüllü olaraq cəbhəyə yola düşmüş Abdullayev İbrahim Elmar oğlunu evində ziyarət edib, səhhəti ilə maraqlanıb, cəbhə təəssüratlarını dinləyiblər.
Allah yaralı əsgərlərimizə şəfa versin.



30.12.2020Çərşənbə

Xavər xanım ad gününüz mübarək.

Yasamal rayonunun Ahıl şəxslərinən olan Nəcəfova Xavər Əliverdi qızının anadan olmasının 90 illik yubleyi münasibəti ilə Yasamal bələdiyyəsinin sədri Tahir Məmmədov Xavər Xanımın yaşadığı evə gedərək onun doğum günü Münasibəti ilə təbrik etmiş və xoş arzularını çatdırmışdır.




23.12.2020Çərşənbə

23.12.2020-ci il tarixdə Türk Dünyası Bələdiyyələr Birliyi ilə Azərbaycan Şəhər Bələdiyyələri Milli Assosiasiyası arasında video konfrans

Video konfransda Türkiyənin bələdiyyə sədrləri, Azərbaycan Şəhər Bələdiyyələri Milli Assosiasiyasının nümayəndələri, Yasamal Bələdiyyəsinin sədri Tahir Məmmədov və Respublikamızın bir neçə bələdiyyə sədrləri iştirak etmişdir. Konfransın məqsədi Türkiyə Cumhuriyyətində eləcədə Respublikamızda Koronavirus pandemiyası ilə əlaqədar görülən işlər barədə idi. Video Konfransın məzmununa uyğun olaraq, pandemiya dövründə Yasamal Bələdiyyəsinin sədri Tahir Məmmədovun Təşkilatçılığı ilə rayon ərazisində sakinlər arasında mütəmadi olaraq maarifləndirici söhbətlər aparılmış, tövsiyələr verilmiş,pulsuz tibbi maskalar paylanılmış və rayon ərazisində yerləşən yaşayış binalarında dezinfeksiya işləri aparılmışdır.Eyni zamanda sakinlərə parça maskadan istifadə qaydalarından və parça maskadan istifadə qaydalarından və parça maskanın hazırlanması üzrə təlimatdan bəhs edən bukletlər paylanılmışdır. Hal-hazırda Yasamal rayon ərazisində maarifləndirmə dezinfeksiya işləri davam etdirilir.


11.12.2020Cümə

Yasamal Bələdiyyəsinin sədri Tahir Məmmədov "VƏTƏNPƏRVƏRLİK İŞİNDƏ XİDMƏTLƏRİNƏ GÖRƏ" medalı ilə təltif edilmişdir.

Yasamal Bələdiyyəsinin Sədri Tahir Məmmədov Azərbaycan Qarabağ müharibəsi əlilləri, veteranları və şəhid ailələri ictimai birliyi tərəfindən  "VƏTƏNPƏRVƏRLİK İŞİNDƏ XİDMƏTLƏRİNƏ GÖRƏ" medalı ilə təltif edilmişdir.

      



22.09.2020Çərşənbə axşamı

Yeni Yasamal 2, 10 saylı binanın həyətində oturacaqların quraşdırılması

Yasamal rayonu Yeni Yasamal 2, 10 saylı binanın sakinləri Yasamal Bələdiyyəsinə müraciət edərək yaşadıqları binanın həyətində asudə vaxtlarını keçirtmək üçün oturacaqların qoyulmasını xahiş etmişlər. Sakinlərin müraciəti nəzərə alınaraq onların asudə vaxtlarını keçirtmək üçün oturacaqlar qoyulmuşdur





18.09.2020Cümə

Cəlil Məmmədquluzadə küçəsi ev 19 ünvanında baş vermiş yanğınla əlaqədar təmir işlərinin aparılması üçün tikinti materiallarının alınması

Yasamal rayonu Cəlil Məmmədquluzadə küçəsi ev 19 ünvanında yaşayan İmanov Kamil Adilin evində yanğın hadisəsi baş vermişdir. Yanğın nəticəsində evə xeyli zərər dəymişdir.Baş vermiş Yanğınla əlaqədar mənzildə təmir işlərinin aparılması üçün tikinti materialları alınaraq mənzil sahibi İmanov Kamil Adil oğluna təhvil verilmişdir.





17.08.2020Bazar ertəsi

Yasamal rayonu ərazisində nümunəvi torpaq və əmlak vergisi ödəyicisi diplomla təltif edildi

    Yasamal Bələdiyyəsinin sədri Tahir Məmmədov Yasamal rayonu ərazisində nümunəvi torpaq və əmlak vergisi ödəyicisini diplomla təltif etdi.Eyni zamanda həmin vergisi ödəyicisinin yaşadığı ərazidə Məhəllə Komitəsinin sədri kimi daha da fəal olmasını tövsiyyə etdi.


06.08.2020Cümə axşamı

Yasamal Bələdiyyəsi tərəfindən Yasamal rayonu ərazisində layihələrin icrası davam etdirilir

  Çoxsaylı sakinlər Yasamal rayon  İcra Hakimiyyətinə və Yasamal Bələdiyyəsinə yazılı şəkildə müraciət edərək Yasamal rayonu Yeni Yasamal -2, M.Xiyabani küçəsi 10c, 11 və 12 ünvanlarında məhəllədaxili yollara asfalt örtüyünün çəkilməsini xahiş etmişlər.Bu ünvanlarda yaşayan sakinlərin xahişləri nəzərə alınaraq Yasamal rayon İcra Hakimiyyəti və Yasamal Bələdiyyəsi tərəfindən həmin ərazilərə baxış keçirilmiş və Yeni Yasamal-2 ünvanında  3,4 saylı binanın qarşısındakı məhəllədaxili yollar, M.Xiyabani küçəsi 10c, 11 və 12 ünvanlarında məhəllədaxili yollara asfalt örtüyünün çəkilməsi işləri tamamlanmışdır. Hal-hazırda 2-ci Alatava ünvanında məhəllədaxili yollara  asfalt örtüyü çəkilməkdə davam etdirilir.Yasamal Bələdiyyəsi tərəfindən mütəmadi olaraq asfalt örtüyünə ehtiyacı olan məhəllədaxili yollara  asfalt örtüyünün çəkilməsi  işləri davam etdiriləcəkdir.

« 1 2 3 4 5 ... 8 9 »