29.06.2022Çərşənbə

Məhəllə komitələrinin sədrləri Yasamal bələdiyyəsinin Fəxri Fərmanı ilə təltif edildilər.

Yasamal Bələdiyyəsinin məhəllə komitələrinin sədrləri Azərbaycan vətəndaş Cəmiyyətinin  İnkişafında, gənclərin hərbi vətənpərvərlik ruhunun aşılanması və bələdiyyə vətəndaş vəhdətinin möhkəmlənməsi istiqamətində aktiv fəaliyyətlərinə görə Yasamal bələdiyyəsinin Fəxri fərmanı ilə təltif ediliblər.








18.06.2022Şənbə

Yasamal rayonunda abadlıq işləri davam etdirilir.

Yasamal rayon İcra Hakimiyyətinin təşəbbüsü ilə rayonun müxtəlif ünvanlarında kompleks tədbirlər həyata keçirilir.Rayonun ayrı-ayrı küçələrində,həyət və yaşayış məhəllələrində abadlıq-quruculuq işləri aparılır, binaların  həyətində sakinlərin asudə vaxtlarını keçirmək üçün söhbətgahlar və oturacaqlar qoyulur, onların rahat gediş-gəlişini təmin etmək məqsədi ilə  məhəllədaxili yollara asfalt örtüyü çəkilir.Növbəti abadlıq işləri rayonun Şəfayət Mehdiyev küçəsi 1, 81 A, Akim Abbasov küçəsi 18 və 18 A saylı binaların həyətində aparılmış məhəllədaxili yollara asfalt örtüyü çəkilmişdir.

Rayon ərazisində abadlıq-quruculuq sahəsində aparılan işlər mütəmadi olaraq davam etdirilir










17.06.2022Cümə

Vətən müharibəsi iştirakçısının yaşadığı evin damı təmir edilmişdir.

Yasamal rayon İcra Hakimiyyətinin başçısı Elşad Həsənovun rayon sakinləri üçün keçirdiyi səyyar qəbulda iştirak etmiş oğlu Vətən müharibəsi iştirakçısı Səmədova Yeganənin yaşadığı evin dam örtüyünün və döşəməsinin təmirə ehtiyac olduğunu bildirmişdir.Yasamal Bələdiyyəsi tərəfindən Səmədova Yeganənin yaşadığı evin dam örtüyünə tol çəkilmiş və döşəməsi təmir edilmişdir.

   Yasamal rayon İcra Hakimiyyəti və Yasamal bələdiyyəsi şəhid ailələrinin və qazilərin daima yanındadır və onlara xüsusi diqqət göstərir.





16.06.2022Cümə axşamı

Yasamal rayonunda abadlıq işləri davam etdirilir.

Yasamal rayon İcra Hakimiyyətinin təşəbbüsü ilə Yasamal Bələdiyyəsi tərəfindən Həsənbəy Zərdabi  küçəsi  89 A və "Dağlar” MTK-ya məxsus Məhəmməd Xiyabani küçəsində yerləşən 2 saylı binaların  həyətində sakinlərin asudə vaxtlarının keçirmək üçün söhbətgahlar və oturacaqlar qoyulmuşdur.Rayon ərazisində abadlıq-quruculuq sahəsində aparılan işlər davam etdirilir.








14.06.2022Çərşənbə axşamı

Yasamal rayonundakı M.Cuvarlinski adına 52 saylı orta məktəbdə “Son Zəng”keçirilmişdir

14 iyun 2022-ci il tarixdə 52 saylı orta məktəbdə "Son Zəng”keçirilmişdir.Tədbirə Azərbaycan Respublikasının Dövlət Himninin səsləndirilməsi ilə başlanılmışdır. "Son Zəng”də iştirak edən Yasamal Bələdiyyəsinin rəhbərliyi,Vətən müharibəsi iştirakçıları və qonaqlar məzunları təbrik etmiş,onlara ən xoş arzularını bildirmişlər.Tədbir 52 nömrəli orta məktəbin məzunlarının hazırladığı musiqili proqramla davam etdirilmişdir.      

 




14.06.2022Çərşənbə axşamı

Yasamal rayonunda Milli Qurtuluş Günü qeyd edilmişdir.

15 İyun-Milli Qurtuluş Günü münasibətlə rayon ictimaiyyəti Ulu Öndərin Fəxri Xiyabandakı məzarını ziyarət edərək onun əziz xatirəsini yad edib. Daha sonra ictimaiyyət nümayəndələri Yasamal rayon şəhidlərinin xatirə kompleksini ziyarət edərək ərazi bütovlüyümüz uğrunda həlak olanların ruhuna ehtiramını bildirdilər. Yasamal Rayon İcra Hakimiyyəti və YAP Yasamal rayon təşkilatının birgə təşkilatçılığı ilə tədbir keçirildi.Tədbirin əvvəlində Ulu Öndərin xatirəsi bir dəqiqəlik sükutla yad edildi, daha sonra isə Ulu Öndərin fəaliyyətindən bəhs edən filmin baxışı oldu.

Tədbirdə nitq söyləyən Yasamal Rayon İcra Hakimiyyətinin başçısı Elşad Həsənov bildirdi ki, 20-ci əsrdə Azərbaycan iki dəfə müstəqillik qazanıb. Əsrin əvvəlindəki müstəqilliyimiz cəmi 23 ay sürüb. 1991-ci ildə SSRİ dağılandan sonra isə Azərbaycan ikinci dəfə müstəqillik qazandı.Lakin 90-cı illərin əvvələrindəki erməni təcavüzü, iqtisadi böhran, xalq ilə iqtidar arasında uçurumun dərinləşməsi müstəqilliyin  itirilməsi ilə nəticələnə bilərdi. Bu təhlükəni görən Azərbaycan xalqı Heydər Əliyevə üz tutdu. Xalqın təkidi ilə Heydər Əliyev ikinci dəfə hakimiyyətə qayıtdı və Azərbaycanı böyük bəladan qurtardı.

Elşad Həsənov bildirdi ki, bu gün Ümumilli Liderin siyasətini, onun layiqli davamçısı, möhtərəm Prezidentimiz İlham Əliyev qətiyyətlə davam etdirir. Cənab Prezidentin apardığı siyasət Azərbaycanı hər sahədə uğura aparır. 15 iyun Milli Qurtuluş günü tariximizin digər böyük bir tarixi ilə bağlıdır- 8 noyabr Zəfər günü. Zəfər gününə gedən yol məhz Milli Qurtuluş günündən başladı. 1993-cü ildə Heydər Əliyev Azərbaycanı dağılmaqdan xilas etdi, 2020-ci ildə isə cənab Prezident İlham Əliyev Qarabağı erməni işğalçılarından xilas etdi.

     Tədbirin sonunda Yasamal Rayon İcra Hakimiyyətinin başçısı Elşad Həsənov Yasamal rayonunun ictimai-siyasi həyatında səmərəli fəaliyyətinə görə və 15 iyun Milli Qurtuluş günü münasibətilə rayonun xidmət sahələrinin vəzifəli şəxslərinə və Yasamal Bələdiyyəsinin sədri Tahir Məmmədova Yasamal Rayon İcra Hakimiyyətinin   fəxri fərmanını təqdim etdi.









06.06.2022Bazar ertəsi

Yasamal rayonunda abadlıq işləri davam etdirilir.

Yasamal rayon İcra Hakimiyyətinin təşəbbüsü ilə Yasamal Bələdiyyəsi tərəfindən Şəfayət Mehdiyev küçəsi 565-ci məhəllə 1,2,3,4,5 saylı binaları əhatə edən həyətdə abadlıq-quruculuq işləri aparılmış və sakinlərin istifadəsinə verilmişdir.Sakinlərin asudə vaxtlarının keçirmək üçün oturacaqlar və söhbətgahlar qoyulmuş,uşaqlar üçün yelləncəklər quraşdırılmış,müxtəlif növ ağaclar əkilmişdir.Rayon ərazisində abadlıq-quruculuq sahəsində aparılan işlər davam etdirilir.

 







27.05.2022Cümə

Şəhidin anim mərasimi keçirilmişdir.

Vətən müharibəsinin iştirakçisi olmuş şəhid Dadaşzadə Kənan Elman oğlunun Yasamal Bələdiyyəsinin "Mərasim evi”ndə dünyaya gəldiyi gün anım tədbiri keçirilmişdir. Tədbirdə Yasamal rayon İcra Hakimiyyətinin və   Yasamal Bələdiyyəsinin rəhbər şəxsləri iştirak etmişdir.Torpaqlarımızın bütövlüyü, suverenliyi uğrunda canından keçən şəhidlərimizin xatirəsi bir dəqiqəlik sükutla yad edilib və ruhlarına dualar oxunub,Azərbaycan Respublikasının Dövlət Himni səsləndirilib.
       Şəhidin ailə üzvləri və yaxınları, döyüş yoldaşları, eləcədə şəhid Dadaşzadə Kənan Elman oğlunun təhsil aldığı Yasamal rayonu 52 nömrəli orta məktəbin rəhbərliyi  və müəllimlərinin  iştirak etdiyi tədbirdə onun vətənpərvərliyindən, keçdiyi döyüş yolundan, göstərdiyi qəhrəmanlıq və şücaət nümunələrindən danışılıb.

       Anım tədbirində 52 nömrəli orta məktəbin şagirdlərinin  ifasında Vətən müharibəsinə və şəhidlərə həsr olunmuş ədəbi-bədii kompozisiya nümayiş etdirilib.

      Yasamal rayon İcra Hakimiyyəti və Yasamal bələdiyyəsi şəhid ailələrinin və qazilərin daima yanındadır və onlara xüsusi diqqət göstərir.







12.05.2022Cümə axşamı

Yasamal Bələdiyyəsində seminar keçirilmişdir.

Yasamal Bələdiyyəsində Azərbaycan Respublikası Ədliyyə Nazirliyi Bələdiyyələrlə İş mərkəzinin əməkdaşlarının iştirakı ilə Bələdiyyə qulluqçuları üçün seminar keçirilmişdir.Seminarda Vergi və ödənişlərin toplanması,mehmanxana,sanatoriya-kurort və turizm xidmətləri göstərən şəxslərdən ödənişin alınması və digər məsələlərə toxunulmuşdur.





07.05.2022Şənbə

Yasamal bələdiyyəsi ağacəkmə aksiyası keçirib

Ümummilli Lideri Heydər Əliyevin anadan olmasının 99-cı ildönümü münasibətilə Yasamal Rayon İcra Hakimiyyətinin təşəbbüsü və Yasamal bələdiyyəsi rayonun müxtəlif ərazilərində ağacəkmə aksiyası keçirib. Aksiya çərçivəsində Mətbuat prospekti, Əsəd Əhmədov küçəsi, 52 nömrəli tam orta məktəbin həyəti və digər ünvanlarda müxtəlif növ ağaclar əkilib. Eyni zamanda qurumuş ağaclar yeniləriylə əvəz edilib, onlara texniki xidmıət göstərilib.Aksiyada Yasamal bələdiyyəsinin rəhbərliyi və əməkdaşları fəal iştirak ediblər.








13.04.2022Çərşənbə

II Alatava Yaşayış massivində məhəllə daxili yollara asfalt örtüyünün çəkilməsinə başlanılmışdır.

Vətəndaşların rahatlıqla gedib gəlmələri üçün Yasamal rayonu II Alatava Yaşayış massivində məhəllə daxili yollara asfalt örtüyünün  çəkilməsinə başlanılmışdır.Yaşayış massivində 10000 kv.metr asfalt örtüyünün  çəkilməsi nəzərdə tutulmuşdur.






26.02.2022Şənbə

Yasamal rayonu Dağüstü 1 qəbiristanlığına asfalt örtüyü çəkilmişdir.

Vətəndaşların qohumlarının dəfn olunduğu ərazini ziyarət edərkən rahatlıqla gedib gəlmələri üçün Yasamal rayonu Şərifzadə küçəsində yerləşən Dağüstü 1 qəbiristanlığına asfalt örtüyü çəkilmişdir.






22.02.2022Çərşənbə axşamı

Şəhid ailəsinin yaşadığı ünvanda abadlıq işləri aparılmışdır.

Torpaqlarımızın azadlığı uğrunda gedən döyüşlərdə qəhrəmancasına şəhid olmuş mayor Fərd Ələkbərovun ailə üzvülərinin  yaşadığı Süleyman Rəhimov 55 ünvanda asfalt örtüyü çəkilmiş,abadlıq işləri aparılmışdır.













19.01.2022Çərşənbə

“20 Yanvar” şəhid ailələrinə ərzaq yardımı verildi.

"20 Yanvar” faciəsinin 32-ci ildönümü ilə əlaqədar Yasamal rayonu ərazisində yaşayan bəzi şəhid ailələrinə və əlillərə Yasamal bələdiyyəsinin sədri ərzaq yardımı verdi.










« 1 2 3 4 ... 9 10 »