YASAMALBELEDİYYESİ.AZ
Əsas səhifə » Bütün xəbərlər


09.06.2021Çərşənbə

Yeni süni örtüklü meydança sakinlərin istifadəsinə verildi.

"5 mərtəbə" kimi tanınan ərazidə Yasamal rayon İcra Hakimiyyəti, Yasamal bələdiyyəsi və Azərbaycan Futbol Federasiyaları Assosiyasiyası (AFFA) tərəfindən birgə inşa olunmuş yeni süni örtüklü meydança sakinlərin istifadəsinə verilib. Tədbirdə Yasamal rayon İcra Hakimiyyətinin başçısı Elşad Həsənov, AFFA-nın icraçı vitse-prezidenti Elxan Məmmədov, Milli Məclisin deputatı Elnur Allahverdiyev, Yasamal bələdiyyəsinin sədri Tahir Məmmədov və digər rəsmi şəxslər iştirak ediblər.Gənclərimizin xüsusilə bu karantin şəraitində fiziki tərbiyə və idmanla məşğul olmaları üçün şərait yaradılmışdır.Bina sakinlərinin istirahəti üçün yeni skamyalar və söhbətgahlar qoyulmuşdur.







10.05.2021Bazar ertəsi

Ümummilli Lider Heydər Əliyevin anadan olmasının 98-ci ildönümü ilə əlaqədar rayonun bir sıra yerlərində agacəkmə aksiyası keçirilmişdir.

Ümummilli Lider Heydər Əliyevin anadan olmasının 98-ci ildönümü ilə əlaqədar Yasamal rayoununda agacəkmə aksiyası keçirilib. Aksiyada Yasamal rayon İcra Hakimiyyətinin rəhbərliyi,Yasamal Bələdiyyəsinin rəhbərliyi,bələdiyyə üzvüləri və bələdiyyə qulluqçuları və rayon ictimaiyyətinin nümayəndələri iştirak etmişlər.
Ağacəkmə kampaniyasında şam, küknar, dekorativ gül və kol bitkiləri olmaqla minlərlə müxtəlif növ ağaclar əkildi. Yeni agacların əkilməsi Yasamal rayounda və ümumiyyətlə paytaxtda yaşıllıqların daha da artırılmasına, qlobal problem olan iqlim dəyişikliyinin təsirlərinin azaldılmasına, karbon qazının udulmasına, həm də torpaqların şoranlaşmasının qarşısının alınmasına müsbət təsir göstərəcək.
Eyni zamanda 10 may 2021-ci il tarixdə Ümummilli Lider Heydər Əliyevin məzarı ziyarət edilmişdir.





09.05.2021Bazar

Sovet İttifaqı Qəhrəmanı Mehdi Hüseynzadənin abidəsi ziyarət olundu.

"9 MAY”Böyük Vətən müharibəsində faşizm üzərində Qələbənin 76 –cı ildönümü münasibətilə Yasamal rayon Icra Hakimiyyətinin rəhbərliyi ilə birgə  Yasamal Bələdiyyəsinin sədri Tahir Məmmədov və Bələdiyyə qulluqçuları Sovet İttifaqı Qəhrəmanı Mehdi Hüseynzadənin abidəsinə baş çəkiblər.Abidə önünə əklil qoyulub, Böyük Vətən Müharibəsinin qurbanları yad edilib.





20.04.2021Çərşənbə axşamı

Yaşıllaşdırma işlərinin aparılması davam etdirilir.

Azərbaycanda həyata keçirilən dövlət siyasətində ekoloji məsələlərin o cümlədən yeni yaşıllıqların salınmasının özünəməxsus yeri var.           
  Bu siyasətin uğurlu davamı olaraq hazırda Azərbaycanda ekoloji 
məsələlərin həllinə xüsusi diqqət göstərilir,o cümlədən yeni yaşıllıqların 
salınması istiqamətində mühüm layihələr həyata keçirilir.Bizdə Yasamal bələdiyyəsi olaraq,bu kimi layihələrin həyata keçirilməsində yaxından iştirak edirik.Yasamal Bələdiyyəsi tərəfindən İnşaatçılar prospekti ilə Bəxtiyar Vahabzadə küçələrinin kəsişməsində yerləşən ərazidə ağaclar, gül-çiçək kolları əkilmiş,qazon örtüyü salınmış və yaşıllaşdırma işləri aparılmışdır.


14.04.2021Çərşənbə

Yasamal Bələdiyyəsində “Nizami Gəncəvi İli” adlı tədbir keçirilmişdir.

Azərbaycan Respublikasının Prezidenti cənab İlham Əliyevin Sərəncamı ilə 2021-ci il Azərbaycanda "Nizami Gəncəvi ili” elan edilmişdir.Yasamal bələdiyyəsində də"Nizami Gəncəvi ili” ilə əlaqədar tədbir keçirilmişdir.Tədbirdə Yasamal Bələdiyyəsinin sədri Tahir Məmmədov  çıxış edərək cənab Prezidentin Sərəncamının dahi şair və mütəfəkkir Nizami Gəncəvinin anadan olmasının 880 illiyi ərəfəsində bəşəri əhəmiyyət kəsb etdiyini və Nizaminin qələmindən çıxmış əsərlər insanlarda yüksək zövq,böyük dərrakə və ağıl tərbiyə edən,insanın həm özünü,həm də mühitini çox geniş planda, bütün təzadları ilə təsvir edən uzun ömürlü, olməz əsərlər olmasını vurğulamışdır. 

08.04.2021Cümə axşamı

Şəhid anasının evi təmir olundu

Şəhid ailələrinə və qazilərə qayğı göstərmək və onları narahat edən problemləri vaxtında həll etmək  Yasamal rayon İcra hakimiyyətinin və rayon Bələdiyyəsinin daima diqqət mərkəzindədir. Azərbaycan torpaqlarının bütövlüyü uğrunda şəhid olmuş vətənpərvər oğullarımızdan biri də Nəsib Mikayıl oğlu Məlikovdur. Anası Xəlilova  Lətifə Şahbala qızının yaşadığı mənzil  öz istəyinə uyğun olaraq, qısa bir zamanda təmir olunmuşdur. Lətifə Xəlilova aparılan təmir işlərinə görə rayon İcra hakimiyyətinə və Yasamal Bələdiyyəsinə öz minnətdarlığını bildirmişdir.


VID-20210414-WA0010
05.04.2021Bazar ertəsi

Vətən müharibəsi Qazisi əlil arabası ilə təmin edildi.

Vətən müharibəsində iştirak edən Qazilərimiz Yasamal rayon İcra Hakimiyyətinin və Bələdiyyənin daima diqqət mərkəzindədir. Suqovuşanın azad olunmasında iştirak edən  Qazi Səlimov Aqil Adil oğlu Yasamal rayon İcra Hakimiyyətinin və Bələdiyyənin əməkdaşlarının iştirakı ilə  əlil arabası ilə təmin edildi.

31.03.2021Çərşənbə

Yasamal Bələdiyyəsi İcra aparatının şöbə müdiri Rizvan Mahmudov “Vətənpərvərlik İşində Xidmətlərinə Görə” medalı ilə təltif olundu

Mahmudov Rizvan Mehralı oğlu 6 aprel 1962-ci ildə Gürcüstan Respublikasının Qardabani rayonunun Kosalı kəndində anadan olmuş,orta məktəbi bitirdikdən sonra 1981-ci ildə Azərbaycan Dövlət Universitetinin Biologiya fakültəsinə daxil olub,1986-cı ildə Universiteti bitirmişdir.Müxtəlif vəzifələrdə çalışmış və hal-hazırda Yasamal Bələdiyyəsinin  Ərazi idarəetmə şöbəsinin müdiri vəzifəsində işləyir.  

      Vətən Müharibəsi dövründə Orduya göstərdiyi dəstək, vətənpərvərlik nümunəsinə və arxa cəbhədə fəallığı ilə fərqləndiyinə görə Yasamal Bələdiyyəsi İcra Apratının Ərazi idarəetmə şöbəsinin müdiri Mahmudov Rizvan Mehralı oğlu Azərbaycan Qarabağ Müharibəsi Əlilləri Veteranları və Şəhid ailələri İctimai birliyinin İdarə heyətinin qərarına əsasən "Vətənpərvərlik İşində Xidmətlərinə   Görə” medalı ilə  təltif olunmuşdur.

       Daha öncə isə Rizvan Mahmudov Vətən Müharibəsi dövründə yüksək əzmkarlıq göstərdiyinə görə Azərbaycan Respublikası Müdafiə Nazirliyinin və Azərbaycan Respublikası Səfərbərlik və Hərbi Xidmətə Çağrış üzrə Dövlət Xidmətinin Fəxri Fərmanları ilə təltif edilmişdir.


16.03.2021Çərşənbə axşamı

Vətən müharibəsi Qazilərinin ziyarəti davam etdirilir.

Yasamal Bələdiyyəsinin üzvüləri və qulluqçuları Vətən müharibəsində yaralanan əsgər və zabitlərimizi mütəmadi olaraq evlərində ziyarət edir, qazi ailələrinin problemləri ilə maraqlanır,onlara ərzaq məhsullarından ibarət sovqatlar çatdırırlar.Vətən müharibəsində Füzuli,Zəngilan,Laçın və Xocavənd rayonlarının azad olunmasında qazi olmuş Yasamal rayonunda könüllü olaraq cəbhəyə yola düşmüş Rəhimov Həmzə Müşfiq, oğlunu,Əzimov Fikrət Azad, Məhərrəmov Tural Ağababa oğlunu evlərində ziyarət etmiş,səhətləri ilə maraqlanaraq, cəbhə təəssüratlarını dinləyiblər.

Allah yaralı əsgərlərimizə şəfa versin.

 

04.03.2021Cümə axşamı

Vətən müharibəsi Qazilərinin ziyarəti davam etdirilir.

Yasamal Bələdiyyəsinin üzvüləri və qulluqçuları Vətən müharibəsində yaralanan əsgər və zabitlərimiz mütəmadi olaraq olaraq evlərində ziyarət edir, qazi ailələrinin problemləri ilə maraqlanır, onlara ərzaq məhsullarından ibarət sovqatlar çatdırırlar. Yasamal Bələdiyyəsinin sədri Tahir Məmmədov Vətən müharibəsi qazisi Yasamal rayonundan könüllü olaraq cəbhəyə yola düşmüş Şuşanın azad olunmasında Qazi olmuş Səfərov Fərhad Ağamirzə oğlunu, sədr müavini Emin Muxtarov Cəbrayıl rayonunun azad olunmasında Qazi olmuş Babayev Nazim İntiqam oğlunu evlərində ziyarət etmiş, səhhətləri ilə maraqlanaraq, cəbhə təəssüratlarını dinləyiblər.

Allah yaralı əsgərlərimizə şəfa versin.




03.03.2021Çərşənbə

Yasamal Bələdiyyəsi İcra aparatının Ərazi idarəetmə şöbəsinin müdiri Rizvan Mahmudov Fəxri Fərmanla təltif olundu.

Vətən Müharibəsi dövründə Orduya göstərdiyi dəstək və vətənpərvərlik nümunəsinə görə Yasamal Bələdiyyəsi İcra Aparatının Ərazi idarəetmə şöbəsinin müdiri Mahmudov Rizvan Mehralı oğlu Azərbaycan Respublikası Müdafiə nazirliyinin İdeoloji İş və Mənəvi Psixoloji Təminat İdarəsinin Şəxsi Heyət Baş İdarəsi tərəfindən Fəxri Fərmanla təltif olunmuşdur.

15.02.2021Bazar ertəsi

Yasamal Bələdiyyəsi İcra aparatının Ərazi İdarəetmə şöbəsinin müdiri Rizvan Mahmudov Fəxri Fərmanla təltif olundu

"Azərbaycan Respublikasında qismən səfərbərlik elan edilməsi haqqında" Azərbaycan Respublikası Prezidentinin müvafiq Sərəncamından irəli gələn vəzifələrin icrasında, eyni zamanda Vətən müharibəsi dövründə qələbənin əldə edilməsi naminə hərbi hissələrin hərbi vəzifəlilərlə və hərbi nəqliyyat vasitələri ilə komplektləşdirilməsi işinin təşkilində yüksək əzmkarlıqla Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin əməkdaşlarına köməklik göstərdiyinə və arxa cəbhədə fəallığı ilə fərqləndiyinə görə Yasamal Bələdiyyəsi İcra Aparatının Ərazi idarəetmə şöbəsinin müdiri Mahmudov Rizvan Mehralı oğlu Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəisi general polkovnik Arzu Rəhimovun imzaladığı Fəxri Fərmanla təltif olunmuşdur.


11.02.2021Cümə axşamı

Şəhid məzarı ziyarət edildi.

Torpaqlarımızın azadlığı uğrunda gedən döyüşlərdə qəhrəmancasına şəhid olmuş Hacıyev Qoşqar Zahid oğlunun şəhidlik zirvəsinə ucalmasından bir il ötür. Yasamal rayon İcra Hakimiyyətinin, Yasamal bələdiyyəsinin üzvülərinin və qulluqçularının, rayon ictimaiyyətinin iştirakı ilə şəhidin məzarı ziyarət edilmiş, məzarı önünə əklil və gül dəstləri qoyulmuş, ruhuna dualar oxunmuşdur. Allah bütün şəhidlərimizə rəhmət eləsin.




19.01.2021Çərşənbə axşamı

"20 Yanvar" şəhid ailələrinə ərzaq yardımı verildi.

"20 Yanvar" faciəsinin 31-ci ildönümü ilə əlaqədar Yasamal rayon İcra Hakimiyyətinin və Bələdiyyəsinin əməkdaşları tərəfindən rayon ərazisində yaşayan 21 nəfər şəhid ailəsinə ərzaq yardımı verildi.





1 2 3 ... 7 8 »