01.06.2016Çərşənbə

28 may- Respublika günü münasibətilə konsert

28 may Respublika günü münasibətilə Yasamal rayon İcra Hakimiyyəti ANS Şirkətlər Qrupu ilə birlikdə Yasamal parkında bayram tədbiri keçirildi. Məşhur müğənnilər Yasamal parkında rayon sakinlərinə əsl bayram abu-havası yaşatdılar.

Tədbirdə Respublikamızın tanınmış incəsənət ustalarının iştirakı ilə bayram konserti olmuş, şən mahnılar səsləndirilmişdir. Tədbirdə eyni zamanda ANS Şirkətlər Qrupunun ANS CM radiosunun yaranmasının 22-ci ildönümü də qeyd olunmuşdur. Rayon tədbirində rayon rəhbərliyi, rayonun idarə, müəssisə və təşkilarlarında çalışan və rayon sakinlərindən 2500 nəfərdən çox tamaşaçı iştirak etmişdir.

Səhnədə həm rəqs, həm də müsiqi nömrələri birlikdə vəhdət təşkil edib. Ən çox əylənənlər isə heç şübhəsiz ki, uşaqlar oldular.

Tədbir ANS TV-də yayımlanmışdır.