09.05.2016Bazar ertəsi

Ümummilli Lider Heydər Əliyevin anadan olmasının 93-cü ildönümü

    Yasamal rayon İcra Hakimiyyəti və YAP Yasamal rayon təşkilatı Ulu Öndər Heydər Əliyevin anadan olmasının 93-cü ildönümü münasibətilə tədbir keçirdi. Əvvəlcə İncəsənət gimnaziyası tələbələrinin əl işlərindən ibarət sərgiyə baxış oldu. YAP Yasamal rayon təşkilatının sədri Tağı Əhmədov müasir Azərbaycan Dövlətinin memarı və qurucusu, dahi şəxsiyyət Heydər Əliyevin nəsillərə örnək olan mənalı ömür yoluna, zəngin siyasi və dövlətçilik fəaliyyətindən danışdı.Yasamal Rayon İcra Hakimiyyətinin başçısı İbrahim Mehdiyev bildirdi ki, məhz Heydər Əliyevin fəaliyyəti nəticəsində Azərbaycan özünün geostrateji, iqtisadi və mədəni potensialından istifadə edərək Şərq və Qərb arasında etibarlı körpü rolunu oynamağa başlayıb və dünyanın ən dinamik inkişaf edən ölkələrindən birinə çevrildi.

      YAP siyasi şurasının üzvü İradə Hüseynova, Bakı Dövlət Universitetinin rektoru Abel Məhərrəmov və digər çıxışçılar Ulu Öndərin dövlət quruculuğu prosesində müxtəlif sahələrdə həyata keçirdiyi uğurlu islahatlardan söz açdılar. Sonda Ulu Öndərin həyat və fəaliyyətindən bəhs edən film və tələbələrin hazırladıqları bədii kompozisiya nümayiş olundu.